زاد الهياط ولاحصل به تقشف
وش حيلة اللي راس ماله قصيده
**
لوتبحث بمكنون الاضلاع تعرف
ان الزمن ماعاد نفرح بعيده
**
علمٍ يجيك وباقي الهرج طرف
مايفزع الا اللي يسمى وليده
**
كفوٍ ليا جيته لو انه ايتسلف
ماخيب الهقوه يكون البليده
**
ماني مرحب به ليا قيل شرف
ويبقى على وضعه ومحكوم قيده
**
يقهرني اللي في لزومي يصرف
لا ناش طيب ولا اختزن له فريده
**
ويطربني اللي في وجودي تكلف
لوكان ماتحته يكون الحديده
**
الشاعر / سعيد بن عبدالله الاسمري
@@@@@@@@
تسلم ياشاعر جزل من البحر يغرف
صحت لسانك والمعاني سديده
**
المطلق أفعاله مع الناس تعرف
ما يفوته الواجب ودايم يصيده
**
الوافى يوفي الكيل ماهو يطفف
علوم الوفاء والطيب تملا رصيده
**
الكفو مالي عنه مجنب ومحرف
انا معه في كل موقف عضيده
**
ومكرم الضيفان ما هو بمسرف
الجود في دمه وساكن وريده
**
رجل ن يعيش بلا مراجل وموقف
يعيش على الهامش ولا فاد فيده
**
واللاش ماله قدر يخسى ويذلف
يذلف ذلوف مقيط ما هو فقيده
شعر
فائز بن عبدالعزيز بن مارد الاسمري
