.
ياليل لك طبعاً بالأحزان معهود
متتاليه في كل لحظه وساعه
**
تقبل وتقفي والأمل حيل مفقود
والحزن بحراً فل فينا شراعه
**
وفيك الرجاء يارب ياخير معبود
تجبر مصيبتنا بصبر وقناعه
**
على رحيل اللي غدئ اليوم مفقود
مات وترك فينا المواجع وداعه
**
ننعئ البرودي كلما نسنس النود
ونرثيه كونه من خيار الجماعه
**
عساه في جنات رضوان وخلود
بجوار خير الخلق راعي الشفاعه
**
ومرحوم ياللي كلمته كنها الطود
له عن ردئ الهزلات درع ومناعه
**
في لازمه يفزع جماعات ووفود
وفي وقفته يسبق بحلمه ذراعه
**
يبكيه من يعرفه في صدر وورود
وينعاه من يذكر مزايا طباعه
