يا اللي تقول التمر يجنى من الرِّيش
تضحك عليك ديار رنيه وبيشه
واللي بناء بيته من القش والخيش
ما يقاوم أظروف الزمن بيت خيشه
واللي نفش ريشه بكذب وبخاشيش
وقت المواجه ينتف الحق ريشه
راعي التصنع يتقن الغش والطيش
والطبع يكشف كل كذبه وطيشه
مدري التلون والتقلب على ويش
ادخل مع البيبان خل الدريشه
منهاجنا ما فيه غش ٍ وتغشيش
أفٌ ٍ لكم يا أهل القلوب الغشيشه
والله* تكفل* للمخاليق بالعيش
الآدمي مكتوب رزقه وعيشه
فائز بن عبدالعزيز بن مارد
4 / 10 / 1439
*
وياويل اللي يطيح بين يديكم ياشعراء ماعندكم الا نتف ريش*
تحياتي ابا عبدالعزيز لشخصك الفاضل*