• ×

02:40 مساءً , الأربعاء 8 يوليو 2020

خواطر وتبريكات

زيادة حجم الخط مسح إنقاص حجم الخط
فراج بن حبلّص 

نبارك لمن نال المناصب وترفيع
ومن نال ذلك يستحق التهاني

قبيلة كادت في الفوضة تضيع
عقب الريادة في قديم الزماني

لكن بالحكمة ترى الكايد يطيع
مع وجود الحزم يأتي اللياني

البيض تنشر له على قمّة الريع
تركي الفخر من بدّ قاصي وداني

خلى القضية من أهم المواضيع
وساس الجميع وللتقاليد صاني

واستبشر العاقل وزعل الملافيع
وكل البشر فيهم محب وشاني

والناس تكتم ما لمكنونها تذيع
ان شافت الكتمان يعطي المعاني

قبل أمس كنا مثل قوم مصاريع
ناس بنوا والغير قضّوا المباني

كله على شأن الوجاهة وتلميع
وقولة كفو يا إبن الفلان الفلاني

والكفو بين الناس أخباره تشيع
ما يصنعه كثر الحكى والاماني

والمشيخة ما هي بختم وتواقيع
يبغى لها فارس ورمح وحصاني

ويبغى لها شور ودور وتطبيع
مع الجماعة لو تطول المحاني

هذاك بالتوجيه وهذا بتشجيع
والبعض منهم لُكدَة مشكلاني

والبعض منهم سيف هند مطاويع
عند اللزوم وكل وقت وشاني

والبعض الآخر دائم له تراويع
تكثر علومه مع بذاءة لساني

هذي طبوع قننوها بتشريع
من طاب والا يعتدل كل جاني

مجموعة العشرين بذرة مشاريع
لعلها تثمر بطيب المجاني

أقرر المعنى بزين التباديع
ما خاب من غنى بزين المعاني

وأكرر التبريك وأشري ولا أبيع
مع القريب وفايت والعواني

فراج بن حبلّص

 
 0  0  342
التعليقات ( 0 )

جديد الأخبار

تخيل وأنت تخرج من باب منزلك ذات صباح فتجد عند المدخل كومةً من المخلفات ، فماذا..

Rss قاريء

جميع الأوقات بتوقيت جرينتش +3 ساعات. الوقت الآن هو 02:40 مساءً الأربعاء 8 يوليو 2020.