مجاراة الشاعر سعيد بن عبدالله الاسمري لقصيدة اللواء فايز بن عبدالعزيز بن مارد الاسمري

زيادة حجم الخط مسح إنقاص حجم الخط
سدوان : 

أخاوي اهل الطيب والجود بذات
إللي يديهم با المكارم نديه

رصيدنا وقت الطلب والمهمات
وافرح بهم في كل روحه وجيه

تلقى السعد في بيوتهم والمسرات
وعلم الوفاء والطيب والنار حيه

مجالس ٍ معمورة ٍ با الضيافات
ومعطره با العود والشاذليه

هذي مناة النفس في كل الأوقات
رفقة رجال أهل الوفاء والحميه

واقطع مع الرديان كل العلاقات
ماني بملزوم ٍ براعي الرديه

ما نرتجي من طافي الضوء فزعات
اليا نصيته فشلك في البريه

مصاص العجم ما يعطي التمر هيهات
مجنون من جاله يدور عطيه

واللي ما فادك في السنين الصعيبات
لا مرحبآ به في السنين البهيه

فائز بن عبدالعزيز بن مارد
13/ 7 / 1439

**********

ياحي قاف اللي يروم الجزيلات
سليل مجد اللابه الاسمريه

اللي رقا بالمرجله كل طالات
فايز على اسمه كاسب الاولويه

عز الرفيق اللي يضد الملمات
وعوق الردي واللي يخلي خويه

والكفو شرواكم بعالي المنيفات
يرقا وهقواته بعاد ومديه

هذا زمانٍ فيه غدرٍ وميلات
وعزاه للي في حياةٍ شقيه

تجاربٍ ماضفها الوقت بسكات
بانت على قاسي الظروف العصيه

تزاحمت والحال به حر جمرات
وفوق الحشاء يمكن ثمانين كيه

يسري بنا هماً تجبر ولا بات
وننعى ونشكي كل هابي وعيه

ماعاد في صبحه وحلو المساءات
الا الاسى والحزن مع كل نيه


ش/ سعيد الاسمري

 
 0  0  1.0K2
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 10:04 صباحًا الجمعة 18 سبتمبر 2020.