الصمت يشبه للحصون المغاليق
وكثر الكلام يبيح غيب السدايد
انفكت السبحه وراحت تفاريق
وسلكها قد راح كله عقايد
الكفوو يختار الهروج المطاليق
يصيد الكلام الذرب صيد الشرايد
مجنون من يبني بيوت ٍ طوابيق
في حرمة الوادي وسيل الردايد
والسيل في دربه يشيل العواليق
مايعرف يجامل ولا هو محايد
والحر منزاله بروس الشواهيق
نفسه عزيزه ما تجيه النقايد
فائز بن عبدالعزيز بن مارد
2 / 7 / 1439
*************************
الصمت في حظرة ذراكم توافيق
يااهل السلوم الطيبه والعوايد
بعض الحكي ماله هواة ومشافيق
ندرا ذرانا عنه مع كل نايد
سلمٍ مشينا به سواة المخاليق
ولاحافنا هم السنين النكايد
مانلتفت لهروج ناسٍ. مطافيق
ولا نلتفت للي علينا يزايد
ننحر عدانا نحر ونشف الريق
الين يغدو في شركنا مصايد
كبر البحور اللي غببها سواحيق
بنا ولا غبنا نهار الشهايد
/سعيد بن عبدالله الاسمري
