الصمت يشبه للحصون المغاليق
وكثر الكلام يبيح غيب السدايد
انفكت السبحه وراحت تفاريق
وسلكها قد راح كله عقايد
الكفوو يختار الهروج المطاليق
يصيد الكلام الذرب صيد الشرايد
مجنون من يبني بيوت ٍ طوابيق
في حرمة الوادي وسيل الردايد
والسيل في دربه يشيل العواليق
مايعرف يجامل ولا هو محايد
والحر منزاله بروس الشواهيق
نفسه عزيزه ما تجيه النقايد
فائز بن عبدالعزيز بن مارد
2 / 7 / 1439
*************************
يارب عفوك والرجاحه توافيق
والناس فالدنيا بنقص وزايد
احدن وهبه الله صفات به تليق
له في خيار القول حض وعوايد
من طيب قوله تسمع الناس وتويق
ماتسمع الزله ولا علم كا يد
والبعض قوله يكبت الصدر ويضيق
ونقول ليته غاب ثور اللدايد
هذاك سموه المفاليح زنديق
ثرثار مكار قليل الفوا يد
ياشيخ مثله جنبه وابلع الريق
واختر غلام للنواميس رايد
محمد بن درعان الاحمري
