• ×

09:02 مساءً , الجمعة 25 مايو 2018

محاوره شعرية بين الشاعرين فايز بن عبدالعزيز ومحمد بن درعان

زيادة حجم الخط مسح إنقاص حجم الخط
 

يا صاحبي ليش تحداني على الضيق
والوضع كله خطاء والصدر ضايق

في كل يوم ٍ تصبحنا مع الريق
فتن توقف لنا في الدرب عايق

الخبث اشوفه وانا للخبث ماطيق
ماطيق خبث الخبيث وكل بايق

تَجمع أنذال مع شلة مطافيق
وهروجهم كلها كذب وطفايق

ياللي على الحمل ما تقدر ولا تطيق
لحمول غيرك ترى ما انتَ بطايق

واللي هروجه مع العالم تلافيق
لابد ما تنكشف كل الفايق

مصيبة الناس في بعض المخاليق
مشغول في هدم ماتبني الخلايق

في الأرض سج القدم تلقاء توافيق
والضيق يفرج بلحظات ودقايق

في الأرض تلقى مطانيخ ومطاليق
وفي ديرة اهل الردى لا عاد توايق

بصبر تفتح لنا ابواب ٍ مغاليق
وبدعاء تكسر أقفال ٍ غلايق

فائز بن عبدالعزيز بن مارد

============
رد الشاعر محمد بن درعان

الشعر كيف وفيه للقلب تشويق
وبه نعبر عن علوم وحقايق

تحلق ابياته في الجو تحليق
يصدر بها من روس هلها وثايق

لها قوافلها وسيد وسواويق
عمله ثمينه هدرها غير لايق

تهدا وتحكى في مجالس مطاليق
يطرب لها قلب متنبه وفايق

بالذات من له فالجزاله توافيق
امثال بن مارد وشرواه صادق

مدفون معناها بوسط الصناديق
لكنها طلقات شباب حارق

والشعرله مزن ورعود وبواريق
وسيولها في كل واد تضايق

من بعدها نبت الزهر والغرانيق
والنحل يجمع من زهرها رحايق

محمد بن على بن درعان
 
 0  0  3402

إشترك بنشرة صحيفة سدوان اﻻلكترونيه ليصلك جديد اخبارنا

التعليقات ( 0 )

جديد الأخبار

حذرت الهيئة العامة للأرصاد وحماية البيئة من تأثر أجزاء من المملكة العربية..

Rss قاريء

صحيفة سدوان الإلكترونية | الأخبار
sadawan.com
***