• ×

12:46 مساءً , الأربعاء 24 يناير 2018

يا الله يا اللي كل مخلوق يرجيك

زيادة حجم الخط مسح إنقاص حجم الخط
اللواء / فائز بن عبدالعزيز بن مارد الاسمري 

يا الله يا اللي كل مخلوق يرجيك
ما خاب من يبدأ بذكره ويرجاه

واليا طلبت اطلب من الله يعطيك
الأمر بيده وكل مخلوق ينصاه

ترى التجارب في حياتك تربيك
وما فادها الا من توفق بدنياه

والناس عاملها بمعروف تغليك
من لا يحسب حساب خلقه توطاه

خوتك ... للونعم وسام ٍ يرقيك
واليا نصيته جاك ب الوجه والجاه

واللاش خله لا تجيله ولا يجيك
خله يروح وروحة مقيط ورشاه

والمال ماهو الكتز في البنك والشيك
المال خوة من تدوره ... تلقاه

لا ترجي أهل البخل تفزع وتعطيك
من خاب في نفسه فلا ينفع اسواه

أعرف عدوك لا يغشك ويغويك
مخادع ٍ كذاب ويخفي نواياه

خلك مثيل الذيب وأعرف معاديك
الذيب يفرس في الرعايا بيمناه

يا ذيب فيك العز والناس ترميك
الله يعين من اشبهه واتقن اخطاه

أعرف ترى المكتوب ماهو بيخطيك
اقنع بما عندك وما ربك أعطاه

واليا بغيت الله يسرك ويرضيك
ناجه بتالي الليل وأخلص في أدعاه


فائز بن عبدالعزيز بن مارد الاسمري
1 / 12 / 1438

 
 0  0  1382

إشترك بنشرة صحيفة سدوان اﻻلكترونيه ليصلك جديد اخبارنا

التعليقات ( 0 )

Rss قاريء

صحيفة سدوان الإلكترونية | الأخبار
sadawan.com
***