• ×

08:51 صباحًا , الإثنين 11 ديسمبر 2017

مبادي الذيب

زيادة حجم الخط مسح إنقاص حجم الخط
الشاعر / سعيد بن عبدالله الأسمري 

الذيب ما يكل لحم ذيب لو جاع
يقول هذا اخوي والشأن واحد

هذي مبادي الذيب يشري ولا باع
يشري بني عمه وللعز قايد

مبداك يا ذيب الخلى في العرب شاع
يقلون خلك ذيب وقت الشدايد

كل البشر في جدال وصراع وصراع
يأكل بعضنا بعض والظلم زايد

فائز بن عبدالعزيز بن مارد
1 / 3 / 1439


عساك ماتشكي من الهم واوجاع
ياللي ذكرت الذيب باوصاف واجد

وصفه عديم فالضواري والاسباع
ماله شبيه في فضى الكون صايد

افنى حلال البدو فالريع والقاع
واذا انفرد ضعنن عن الضعن بايد

راعيه مايمرح من الخوف مرتاع
رب او عسى شييء من الضعن عايد

عبدالله بن دلمخ العمري



في رحلة إلإلهام يا بحر الإبداع
تواردت جم الحروف الفرايد
**
بوحٍ يزاحم يطرب قلوب واسماع
من عذب بوح اللي نظمها قصايد
**
بن مارد اللي له على القاف مرباع
ماهو مثيل اللي عصدها عصايد
**
الشعر بحر يعوم به كل شراع
يفطن له اللي معتلي كل نايد
**
لذيب في شعرك من الوصف الامتاع
واجزلت له في لم بوح الشرايد
**
بك من صفاته نادر الوصف وطباع
كالحر في وقت القنص والهدايد
**
جاراك بن دلمخ وهو عضد وذراع
واضفى على معناك جزل الجدايد
**



الشاعر / سعيد_الأسمري

 
 0  0  622

إشترك بنشرة صحيفة سدوان اﻻلكترونيه ليصلك جديد اخبارنا

التعليقات ( 0 )

Rss قاريء

صحيفة سدوان الإلكترونية | الأخبار
sadawan.com
***