الجود في الرجال من طيب ساسه
يقدم على الطالات وأفعاله اشهود
يرحب بضيفه وربعه وناسه
والبيت عد ن دايم الدوم مورود
واهل البخل والخبث فيهم نجاسه
تغتاض لا شافوا العرب تفعل الجود
أسياد في هرج القفى والخساسه
خفافيش ما تخرج في النور وتسود
وكل ن على طبعه ويٌِعرف مقاسه
الكير فيه الخبث والطيب في العود
فائز بن عبدالعزيز بن مارد
********
فايزونعم وصلب منبح لباسه
بن مارد ومايجهله غيرمقرود
الطيب طبعه والنواميس كاسه
نال العلا منصوب دوله وصاهود
وطاعة الله عند فايزوناسه
قايد وعابد له مواثيق وعهود
له سيرة ترفع مقامه وراسه
والله يشهد له وخلق الله شهود
كلمة ونعم تقال لاهل الفراسه
قلته وانااعرف مصدري قبل مارود
محمد بن درعان الاحمري
