محمد ولد منصور والجد ملحان

زيادة حجم الخط مسح إنقاص حجم الخط
الشاعر / سعيد بن عبدالله الاسمري .

سلام تسليمة وفاء وقتها حان
من شاعرٍ ما ابطئ به الا ظروفه
**
أبدي بها وابني بها زين الالحان
والشعر بحرٍ *غارفٍ من حروفه
**
اقدح شراره وارتكي له وطربان
ومااحمل على ماضي الليالي حسوفه
**
مادام لي عزوه وقاله *ونيشان
فما همني غدر الزمن لي وحوفه
**
شرواك ياشيخٍ كما الحر شيهان
والمرجله درسه وكامل صفوفه
**
محمد ولد منصور والجد ملحان
من روس قومٍ فاللوازم تشوفه
**
له في ذرا العليا مناهج وبنيان
وعلى مثل شرواه ماهي كلوفه
**
علمه مع اهل الطيب في كل ميدان
وعده نهولٍ مرتوي من رشوفه
**
*يركي لحمله ماتمايل بليهان*
*والحمل لويثقل تشيله كتوفه*
**
ال زيد ربعه فزعته لا بدا شأن
سقم العدو اللي يدور حتوفه
**
وابوه شيخٍ يبذل الخير باحسان
ومن زود فعل الخير تندا كفوفه
**
الله يديمه شامخٍ طول الازمان
وعساه مايشكي الدهر مع صروفه
**
عسى لباس العافيه له بالامتان
وعسئ صواديف الليالي تعوفه
**
الجود له دربٍ كما الغيث هتان
وشهم وكريم ولا تمله ضيوفه
**
واليا ذكرت الكفو ماانسئ كحيلان
عبدالله اللي ما جهلنا وقوفه
**
عساه يسلم مرقب العز لاهان
شوق القلوب اللي بذكره هتوفه
**
عون الذي جاله وهو حيل بلشان
وازهر بفعل الطيب يانع قطوفه
**
ويش القصايد غير احاسيس ولسان
قدام فعل اللي عظيمه وصوفه
**



الشاعر
سعيد بن عبدالله الأسمري


 
 0  0  3.3K2
التعليقات ( 0 )

Rss قاريء

جميع الأوقات بتوقيت جرينتش +3 ساعات. الوقت الآن هو 07:42 مساءً الأربعاء 30 سبتمبر 2020.