• ×

11:23 مساءً , الإثنين 30 نوفمبر 2020

يا سعد شريان تسليم وتحيه

زيادة حجم الخط مسح إنقاص حجم الخط
الشاعر / نايف بن مداوي الاسمري .


يا سعد شريان تسليم وتحيه
ياعريب الجد يالفذ السنافي..

غبت عن علم ن وليله سرمديه
تستوي فيها الثقايل والخفافي..

غيبتك تاثّر على مثلي شويّه
والعذر لو تعتذر ماهو ب كافي..

ظربنا ظرب السيوف الصيرميه
وان هرجناالهرج مافيه اختلافي..

وصاحب ن مايحتمي وقفة خويّه
مانعدّه محزم ن وقت العجافي..

ليت وإن المعرفه تهدى هديّه
كان صار الجو بعدالغيم صافي..

قال هيّ وقلت لو ماهيب هيّه
تمضي الدنيا على بيّن وخافي..

مانحب التفرقه والعنصرية
والخطامن قبل ينطق له تلافي..


نايف مداوي

حي مرسول من الغالين حية
عد منهو حج للكعبة و طافي

يبن امداوي قبل نبدأ في القضية
نعرف المضمون من فوق الغلافي

و الْقَسوم اللي تجمل و الوفية
ما خذاها غير وافي ونت وافي

لا لقا الرجال قدر و قابلية
حق له بعد القصايد و القوافي

وحن لنا في الشعر دايم الاولوية
وبشتي وبشتك من الجدان ضافي

جدك اللي حط في العدوان كية
وجدي اللي رد مرسول ابن لافي

فلا تخاصمني ولا تعتب عليه
الصدور اوساع والدعوى عوافي

غبت من الأشغال و النية مطية
و الله اللي عالم ويش الخوافي

وقل لمن يلحقني اعلوم القفية
قلة الرجال لا ما قال يافي

ما*يجيب الهينة ولا الردية
غير رجل مالعواقب ما يخافي

سعد بن شريان


 
 0  0  2.3K2
التعليقات ( 0 )

Rss قاريء

جميع الأوقات بتوقيت جرينتش +3 ساعات. الوقت الآن هو 11:23 مساءً الإثنين 30 نوفمبر 2020.