• ×

02:42 صباحًا , السبت 5 ديسمبر 2020

قصيدة إجتماعية بعنوان ( سناب شات )

زيادة حجم الخط مسح إنقاص حجم الخط
بقلم / رياض بن حامد ال صالح الاسمري .

بسم الله الرحمن الرحيم
***
ماعاد لبيوت العرب ستر واسرار
واسنابها يكشف لنا محتواها
***
امن اولٍ سد الرجاجيل من نار
واليوم ماها قام يخبي لظاها
***
هذا الزمن يامحرز العرض بالدار
وشلون تمنع مانزل من سماها
***
جاك العدو ياصاحبي عبر الاقمار
في شاشة الجوال بيَن غزاها
***
مبدا السبب..قصة غليَم بالامصار
سارت معه جنيةٍ قد هواها
***
شبت عليه من الحطب لين ماصار
جمره وقيده يكتوي من صلاها
***
واصبح طوحاته على الناس بالثار
واعلى مشاعيل القهر ماطفاها
***
عبقر عليه ابليس بالطبل والزار
في حفلةٍ شيطانها قد نصاها
***
واطلق عبيد الشر واستعبد احرار
من دون سل سيوف ورَد لماها
***
يدخل بيوت الغُرب والقُرب والجار
من غير كلمة ياولد او كماها
***
كنَه حمام الدار ونمد له كار
ابلا نكيره..والبصاير عماها
***
يالله طلبتك يامهوَن بالاقدار
هوَن على بعض البشر مابلاها
***

رياض بن حامد ال صالح الاسمري


 
 0  0  2.4K2
التعليقات ( 0 )

Rss قاريء

جميع الأوقات بتوقيت جرينتش +3 ساعات. الوقت الآن هو 02:42 صباحًا السبت 5 ديسمبر 2020.