• ×

10:15 صباحًا , السبت 28 نوفمبر 2020

طرت مع ليلي هواجيس و احلام

زيادة حجم الخط مسح إنقاص حجم الخط
قصيدة للشاعر / سعيد بن عبدالله الاسمري .

طرت مع ليلي هواجيس و احلام
وهاجوس بوحي للفكر مستحله
**
حلو الكرى يا عين قفت به اعوام
هو عافني وعفته بدقه وجله
**
اطوي طويل الدرب مع سيل الالهام
واحيان المه عشق واحيان امله
**
مثل الورق لا خالطه حبر الاقلام
يرسم على وجه الزمن زين حِله
**
واعاند اللي يقطع الود بخصام
ماهمه الا يبرد احساس *غله
**
واللي يبي تلميع في شعر و اعلام
اما *نذمه *ذم *والا *نجله
**
مانقبل الهزلات من بعض الاقزام
ولا ندور من وراء الكفو زله
**
ماظنتي من يعطي الحق ينلام
ولا يجيه *اللوم لو فيه خِله
**
والحيه اللي ناعمه فمها سام
تخدعك بالملمس وهي الموت كله
**
يشبه لها اللي يحمل الحقد من عام
وقلبه ردي ياشين طبعه وفعله
**
والا الكفو طول العمر حر وقطام
ما يقبل الهفوه ودرب المذله
**
وثايقٍ تبقى مثل عبر الأيام
فيها لمن يبغي بها الخير قِبله


 
 0  0  8762
التعليقات ( 0 )

Rss قاريء

جميع الأوقات بتوقيت جرينتش +3 ساعات. الوقت الآن هو 10:15 صباحًا السبت 28 نوفمبر 2020.