• ×

09:52 مساءً , السبت 19 سبتمبر 2020

قصيدة النذر مطلع الشيب

زيادة حجم الخط مسح إنقاص حجم الخط
اللواء / فايز بن عبدالعزيز آل مارد .

مشيت في الدنيا وخضت التجاريب
تجارب (ن) صارت بدربي علامه
**
تجارب(ن) ما لحقها الشك والريب
وراعي التجارب ينعرف من كلامه
**
رجل(ن) يحب الطايله والمواجيب
هذي صفات أهل الكرم و الشهامه
**
ورجل(ن) يحب العوكسه والعذاريب
هذي صفات(ن) تجتمع في الهلامه
**
ضعاف الروابع ما بترقى المراقيب
ابعد عن ضعوف(ن) تحب الرخامه
**
اوف الرجال حقوقها أبعيد وقريب
تعيش في عز (ن) وتلبس وسامه
**
أصدق مع نفسك ورافق هل الطيب
وابعد عن الانذال تلقى السلامه
**
ولا تطرد المقفي وجنبه تجنيب
من يطرد المقفي بيلقى الندامه
**
واليا دعاك الكفو جاوبه لا تغيب
أقرب من الونعم وخلك حزامه
**
من رافق أهل الفسد والكذب والعيب
يجرب من الجربان ويدفع غرامه
**
والرجل يعرف معدنه من الاصاحيب
أعرف من أصحابه وتعرف مقامه
**
والسر خله خافي بعالم الغيب
واللي كشف سره عليه الملامه
**
والعمر يمضي والنذر مطلع الشيب
يا الله حسن الخاتمه في ختامه
**

شعر
فائز بن عبدالعزيز بن مارد الاسمري
بتاريخ ………. 13 / 12 / 1437


 
 0  0  6432
التعليقات ( 0 )

Rss قاريء

جميع الأوقات بتوقيت جرينتش +3 ساعات. الوقت الآن هو 09:52 مساءً السبت 19 سبتمبر 2020.