مشيت في الدنيا وخضت التجاريب

زيادة حجم الخط مسح إنقاص حجم الخط
فائز بن عبدالعزيز بن مارد الاسمري .

مشيت في الدنيا وخضت التجاريب
تجارب (ن) صارت بدربي علامه
**
تجارب(ن) ما لحقها الشك والريب
وراعي التجارب ينعرف من كلامه
**
رجل(ن) يحب الطايله والمواجيب
هذي صفات أهل الكرم والشهامه
**
ورجل(ن) يحب العوكسه والعذاريب
هذي صفات(ن) تجتمع في الهلامه
**
ضعاف الروابع ما بترقى المراقيب
ابعد عن ضعوف(ن) تحب الرخامه
**
اوف الرجال حقوقها أبعيد وقريب
تعيش في عز (ن) وتلبس وسامه
**
أصدق مع نفسك ورافق هل الطيب
وابعد عن الانذال تلقى السلامه
**
ولا تطرد المقفي وجنبه تجنيب
من يطرد المقفي بيلقى الندامه
**
واليا دعاك الكفو جاوبه لا تغيب
أقرب من الونعم وخلك حزامه
**
من رافق أهل الفسد والكذب والعيب
يجرب من الجربان ويدفع غرامه
**
والرجل يعرف معدنه من الاصاحيب
أعرف من أصحابه وتعرف مقامه
**
والسر خله خافي بعالم الغيب
واللي كشف سره عليه الملامه
**
والعمر يمضي والنذر مطلع الشيب
يا الله حسن الخاتمه في ختامه


شعر
فائز بن عبدالعزيز بن مارد الاسمري
بتاريخ .......... *13 / 12 / 1437


 
 1  0  9622
التعليقات ( 1 )

الترتيب بـ
الأحدث
الأقدم
الملائم
  • #1
    09-17-2016 06:27 مساءً عبدالله سعيد ال سلطان :
    صح الله لسانك ابا عبدالعزيز انت دائم مبدع في مشاركاتك سواءاً اكان شعرا اونصآ وانت من خلال *مشاركلتك تعني ما تقول من واقع مجتمعنا الحالي)( انك لن تهدي من احببت ولكن الله يهدي من يشاء )

Rss قاريء

جميع الأوقات بتوقيت جرينتش +3 ساعات. الوقت الآن هو 07:18 صباحًا الأحد 27 سبتمبر 2020.