الردي - شعر اللواء فايز بن عبدالعزيز بن مارد

زيادة حجم الخط مسح إنقاص حجم الخط
شعر اللواء فايز بن عبدالعزيز ال مارد الاسمري 

.
**** ( الردي ) ****

لو كل طير ينفش الريش بيحوم
كان اعتلى في الجو فرخ الدجاجه
**
ما يكسب الطولات رديان و رخوم
ما يجيك غير الدنفسه والجاجه
**
واليا بليت بمجلس أهل الردى قوم
مالك مع الرديان مكسب وحاجه
**
راعي الطباع العوج ما يعرف اسلوم
طبعه خبيث ولا يكب العواجه
**
فوق الخرايب دايمآ ينعق ألبوم
هذي طباع البوم وهذا مزاجه
**
ممشاك خله مع صناديد وقروم
واشرب قراح الماء وخل الهماجه
**
خويك الطيب ولو كان من القوم
يعطيك مطلوبك ويضحك حجاجه
**
واليا بلاك الدهر بحزان و هموم
ازبن على رب(ن) كريم(ن) وناجه
**
ناجه بتالي الليل وخلك من النوم
الضيق عند الله سريع (ن) انفراجه


***********
شعر
فائز بن عبدالعزيز بن مارد الاسمري

بتاريخ 10/8/1437

 
 0  0  3.0K2
التعليقات ( 0 )

Rss قاريء

جميع الأوقات بتوقيت جرينتش +3 ساعات. الوقت الآن هو 02:53 صباحًا الثلاثاء 29 سبتمبر 2020.