• ×

11:06 مساءً , الإثنين 25 سبتمبر 2017

في حفل ابوراكان ياحي طرياه

زيادة حجم الخط مسح إنقاص حجم الخط
.

سلام في محفل هل الطيب و الجاه
دعوئ ال جبل روس الرجال العظيمه
**
الجود دربٍ للمطاليق ممشاه
يرقئ به اللي فيه نخوه وشيمه
**
دار ال جبل راسي ويازين مرقاه
مدهل شغاميمٍ عظام وكريمه
**
في حفل ابوراكان ياحي طرياه
شيخ ٍ به الافعال معنئ وقيمه
**
شهم وكريم ومرقب الطيب مبداه
طلق الحجاج وغيث همال ديمه
**
من لابةٍ تفخر بمثله وشرواه
عوق الظروف اللي تهايل وخيمه
**
روس ال جبل فخر الرجال المسماه
العزوه اللي ماتحوش الهزيمه
**
درع لبللسمر رموز المباهاه
اهل النفوس الطيبه والكريمه
**
والشعر بحرٍ زين القيف معناه
مثايل ماهي سواة الهشيمه
**
اقولها والعيد صبحه وممساه
فيه الفرح زاح الجروحٍ القديمه
**
في حفل ابوراكان سمح ٍ محياه
عسى الفرح فاله وربي يديمه
**
جينا لعجب عينه ولاجله ولرضاه
ولأجل الرجال اهل النوايا السليمه


بواسطة : الشاعر سعيد بن عبدالله الاسمري
 0  0  7.5K
التعليقات ( 0 )

صحيفة سدوان الإلكترونية | الأخبار
sadawan.com
***