• ×

09:06 مساءً , الجمعة 20 أكتوبر 2017

يا مرحبا والعيد هل وهلاله

زيادة حجم الخط مسح إنقاص حجم الخط
.

يا مرحبا والعيد هل وهلاله
في ريف قيفٍ للجمايل جِبله
**
دعوئ ال كثير اهل الكرم والجماله
مثل النجوم الساطعه والاهله
**
في ملتقئ المضفاه واللي عناله
عوق الذي قلبه عليل ٍ بغله
**
ربعي لهم في العز جوله وطاله
وعزوم رغم الوقت ماهي مكِله
**
امدح وافاخر واعتلي كل قاله
في لابتي والكفو منها نجله
**
من مد يمنئ الطيب ماشح ماله
ولا يشح الا الردي فيه خِله
**
يقولها اللي ضاري ٍ بالجزاله
واللي جهل لابد وقته يدله
**
في حضرة اللي محتمين الاصاله
من ماضي الدنيا وفي كل حِله
**
ماض ٍ تليد وبه شواهد رجاله
اللي بنوا مجدٍ رسومه مطله
**
مد الوفاء للي بالامجاد كاله
ويبطي ردي الحال لا مايصله
**
في مجمع ٍ لطيب في كل حاله
صفوة كرام البد من دون زله
**
واللي يبي الفُرقه ودرب الفساله
يموت غبن وتغتشيه المذله
**
حنا ال كثير وسقم من به جهاله
ولايغيرنا فكر كل مِله
**
في عيدنا والجمع بان اعتداله
بحضرة شيوخ ٍ للمطاليق قبله



بواسطة : الشاعر سعيد بن عبدالله الاسمري
 0  0  7.5K

إشترك بنشرة صحيفة سدوان اﻻلكترونيه ليصلك جديد اخبارنا

التعليقات ( 0 )

صحيفة سدوان الإلكترونية | الأخبار
sadawan.com
***