• ×

05:29 مساءً , الجمعة 24 نوفمبر 2017

من لامني

زيادة حجم الخط مسح إنقاص حجم الخط
.

البارحه جفني من الهم مابات
اسهر وليلي جر لوعات وهموم
**
حزنن تجرأ بي على كثر الآهات
وانا من اسباب الشقا أطيح واقوم
**
شعري مقيدني على بعض الأبيات
اللي بها وجد العناء يفرق السوم
**
لاواحسافه حي يشبه للأموات
ويظن مايلحقه شرهه ولا لوم
**
صبري مقيدني وانا اروم الإفلات
مثل القطام اللي تعلى به الحوم
**
من لامني يبطي وهو خلف شمات
ويعيش ابو نيه على الدوم مظلوم
**
هذا زمانن بان به كل ميلات
وينعاه منهو عاش دنياه مكلوم
**
الكفو به قفى بفعلن وقالات
واللاش قام وقومته قومة البوم
**
حقاً لنا ماهي عطايا ولا هِبات
والطيب ميزانن لمعطى ومحروم
**
ماكل كلمه بارده تبري الذات
ولاكل زولن تلمحه سيد القوم
**
قفت بي الدنيا وانا اقول هيهات
وجتني علومن باهته واقفت علوم
**
قلبي انشلع مايحتمل زود صكات
وياكم تجرعت العنا مر وسقوم
**
اما حياة ٍ تنتهي بكل ما فات
والا رحيلن ينهي امجاد وسلوم

بواسطة : الشاعر سعيد بن عبدالله الاسمري
 0  0  8.3K

إشترك بنشرة صحيفة سدوان اﻻلكترونيه ليصلك جديد اخبارنا

التعليقات ( 0 )

صحيفة سدوان الإلكترونية | الأخبار
sadawan.com
***