• ×

10:34 مساءً , الخميس 21 سبتمبر 2017

راسي صليب ومرقبي مرقب الذيب

زيادة حجم الخط مسح إنقاص حجم الخط

.
راسي صليب ومرقبي مرقب الذيب
واخيل برقٍ لاح وارقب مخيله
**
مدام بالدنيا نشوف التعاجيب
فالله يصبرنا على *كل *ميله
**
هذا الزمن به راعي الكذب والعيب
يقلط مع اهل الجود واهل الفضيله
**
يحسب بلبس البشت دمح العذاريب
مايدري ان الثعل يزهى بذيله
**
الطيب لاهل الطيب واهل المواجيب
رووس العرب وارموز كل قبيله
**
قولة هلا ضحكة حجاج المعازيب
لضيف في بادي نهاره وليله
**
كبار العزوم وحاصدين المناصيب
واهل الكرم واللي تروم الجميله
**
عوق الردي واللي سنينه مشاهيب
وعز الرفيق اللي فعوله جليله
**
ربعي هل الوقفه شيوخ ومناديب
ماناشوا الهزله وراعي الهزيله
**
اللي يشح المال ويكمم الجيب
ومدته ماتغني وكفه *بخيله


بواسطة : الشاعر سعيد بن عبدالله الاسمري
 1  0  9.3K
التعليقات ( 1 )

الترتيب بـ
الأحدث
الأقدم
الملائم
  • #1
    05-08-2016 02:40 مساءً خالد الاسمري :
    رأسي صليب ومرقبي مرقب الطير
    واخيل برق لاح وارقب مخيله

    كفو ابو عبدالله وصح لسانك ....
صحيفة سدوان الإلكترونية | الأخبار
sadawan.com
***