• ×

12:57 صباحًا , الأحد 24 سبتمبر 2017

حنا بدنيا البهذله والتلافيق

زيادة حجم الخط مسح إنقاص حجم الخط

.
يالله عفوك ساعةٍ ينشف الريق..
في وقت ما ينفع نديم ن نديمه..
***
حنا بدنيا البهذله والتلافيق...
والصدق قل وفي سما الود غيمه...
***
كم من صديق ن نذخره حزة الضيق...
واليا احتمى الموقف وقوفه هزيمه ...
***
ماهو بشرواكم قليل التوافيق..
الشكل كامل بس عقل البهيمه...
***
وانتو تعليتو على قمة طويق..
مبدأ وخوه واقتدار ن وشيمه....
***
ابدي بخوتكم بروس الشواهيق..
يأهل المبادي والوصوف العديمه...
***
وانا من اللي يحفظون المواثيق..
نشري المدائح من سنين قديمه...
***
من نام من جور الدهر لازم ايفيق...
واللي ظلم نفسه يسدد قسيمه...



بواسطة : / الشاعر نايف بن مدواي آل حمامة الأسمري
 0  0  9.4K
التعليقات ( 0 )

صحيفة سدوان الإلكترونية | الأخبار
sadawan.com
***