• ×

07:43 صباحًا , السبت 18 نوفمبر 2017

لحمة وطن

زيادة حجم الخط مسح إنقاص حجم الخط


في ليلةٍ من هولها تقصم الحيل
يركي لها اللي كلمته راس ماله
**
والكيف فنجالن مبهر به الهيل
في مجلسٍ ياحي منهو لفاله
**
ترحيبة الوافي معزه وتبجيل
يفرح بها ضيفاً كريمه خصاله
**
شيمه وقيمه والطلاقه محاصيل
في حضرة اللي يحتمون الجزاله
**
بللسمر اهل المجد جيل بعد جيل
الكفو منهم لانو الحمل شاله
**
سقم العدا وعلاج روس المهابيل
وعوق الخصيم اللي يزم الفساله
**
اهل القنا واهل السيوف المصاقيل
واهل العزوم الواضحه والجماله
**
لهم على الجزله دروب ومداخيل
وفي صفحة التاريخ مجدٍ لحاله
**
فينا الشموخ وراهيات المناهيل
ونعقل اللي وسط راسه جهاله
**
في ظل سلمان الحزم وافي الكيل
وعهد الولاء باقي قويه حباله
**
دون الوطن مانقبل القال والقيل
ونمحي ثرى اللي معتدي من هباله
**
صفٍ معى صفوة صفوف المشاكيل
وتحت شعار الحق شرع ورساله
**
ماهمنا عسر السنين المقابيل
لحمة وطن نرقى بها كل طاله


بواسطة : الشاعر سعيد بن عبدالله الاسمري
 0  0  9.7K

إشترك بنشرة صحيفة سدوان اﻻلكترونيه ليصلك جديد اخبارنا

التعليقات ( 0 )

صحيفة سدوان الإلكترونية | الأخبار
sadawan.com
***