• ×

11:45 مساءً , الإثنين 25 سبتمبر 2017

لله نشكي همومنا والمعاناه

زيادة حجم الخط مسح إنقاص حجم الخط


لله نشكي همومنا والمعاناه
العمر يفنى والليالي مطيه

مرحوم ياشيخ عزيز(ن) فقدناه
الاهل والخلان والناس تبكيه

فائز بن خويتم وياسرع فرقاه
في غفله الأيام جاءت المنيه

فائز فقيده كل طيب بينعاه
الكفو عند الناس له مقدريه

وجه بشوش ويكرم الضيف لاجاه
فيه الأدب والجود طبع وسجيه

ومع الجماعه كنها الغيث يمناه
يقوم بالواجب وجزل العطيه

فائز قوي الدين ويجاوب انداه
يشهد له أهل الخير روحه وجيه

يا الله تجعل جنه الخلد مثواه
واغفر لعبدك كل ذنب وخطيه

نعزي أنفسنا وبنعزي أبناه
وال الجبل ربع الوفاء والحميه

أحزن على الونعم ويا مر فقداه
يشهد عليه الله رب البريه


بواسطة : فايز بن عبدالعزيز بن مارد الاسمري
 0  0  9.9K
التعليقات ( 0 )

صحيفة سدوان الإلكترونية | الأخبار
sadawan.com
***