• ×

12:56 صباحًا , الأحد 24 سبتمبر 2017

عثرات الأصحاب

زيادة حجم الخط مسح إنقاص حجم الخط


ياناشداً عني معزه وعرفان
لك الغلا مع صادق الود كله
****
ماغبت لكن وقتنا خاطره شان
والوقت ياهو مر تقفاه عله
****
شعري قدح وزناده يروم نيشان
ماخيب الهقوه ولافيه خله
****
لكن بلاه انه ليا جر الالحان
يسوق قافه والمعاني تدله
****
احيان يمدح من له الطيب بنيان
واحيان ماهمه من القاف زله
****
واحيان مايفهمه من كان عميان
ميت بصيره لو يباريه ظله
****
وساعات اقابل لي مودن وشفقان
دندون مامثله ربوع وجبله
****
صادق باحاسيسه ولاشال حقران
ولادور الهفوه بهزله وجزله
****
الكفو يبشر بي كما الغيث هتان
واللاش يبطي مااعترف به واجله
****
يكفي تلوم الوقت ياطير حوران
ويكفي نجامل واحدن زاد غله
****
شيطان لكنه على هيئة انسان
يحسبني الغافل وانا فاطنن له
****
والله ماادمح زلة اللاش لو كان
يحلف بشرع الله دينن ومله


بواسطة : الشاعر سعيد بن عبدالله الاسمري
 0  0  10.5K
التعليقات ( 0 )

صحيفة سدوان الإلكترونية | الأخبار
sadawan.com
***