مليكنا تدمع عيونه بالايمان

زيادة حجم الخط مسح إنقاص حجم الخط


مليكنا تدمع عيونه باالايمان
ويمناه في لطم المعادي قويه

في اليمن قوه وبركان نيران
تضرب ذيول الفرس روح وجيه

ومصوب البندق بوزن ونيشان
على ديار الزمره الفارسيه

عز العرب بالحزم وارتجت ايران
قال العرب ذي قار *والقادسيه

تحالف *الاسلام رايته سلمان
منصور *بذن الله رب البريه

فائز بن عبدالعزيز بن مارد

@@@@@@@


✨بسم الله الرحمن الرحيم✨

الدمعة الي عطرت خد سلمان
على الهواءمن نجد يجنادريه

ياطيبها في طاعة الله بميزان
من دون بيت الله ومسجدنبيه

ياسيدي نغليك مع مر الازمان
ياصيرمي الحزم دارك غنيه

شعبك حزامك ياسلايل كحيلان
من سيرة الجدان أخذنا وصيه

قبايلآ تنجب صناديد شجعان
من دون قادتنا دروعآ وحميه

ماهمنا نفطآ نبيعه بنقصان
لويوصل البرميل سعرالوقيه

يهمنا حربآ نخوضه مع أيران
وتلبس وسامه مملكتنا الوفيه

يابوفهد حنا على العهد وأيمان
ياخوان نوره من سنينآ عصيه

النفس ترخص والعلا شانها شان
دون الوطن والدين حوض المنيه

يصيح زميره على اطراف لبنان
ويقول ياعالم عطوني الهويه

مافادني بشار مانمت سهران
حتى العمامه بعتها بالخفيه

والمرشد الكذاب في وسط طهران
أكبر منافق صاغ علم الخطيه

شعبه يموت من المذله وجيعان
أعمى بصر خايب علومه رديه

أدعس على خشمه بحزمآوحقران
حتى يبين انه أمامك شويه

لوجاه ماحامت على جبال مران
يمسي ويصبح بين روحه وجيه

العز لك ياسيدي ذخر الاوطان
راس الزعامه نفتخر في مجيه

✨ سعيد بن واسم ✨


بواسطة : اللواء / فائز بن عبدالعزيز الاسمري
 0  0  11.0K
التعليقات ( 0 )

جميع الأوقات بتوقيت جرينتش +3 ساعات. الوقت الآن هو 09:19 صباحًا السبت 19 سبتمبر 2020.