• ×

10:50 مساءً , السبت 23 سبتمبر 2017

ابيات في الشهيد ابا حسان رحمه الله

زيادة حجم الخط مسح إنقاص حجم الخط


ابيات في الشهيد بإذن الله
ابا حسان رحمه الله رحمة الابرار
والهم اهله وذويه الصبر والسلوان
ان لله وانا اليه راجعون


ياعين دمعك كالسحاب المزابير
لاهل ينشي *بارقه *مع *غمامه
**
مالك عذر عندي ولالك معاذير
ان كان *ماتبكي لراع الزعامه
**
أمر القضاء يمضي بليا محاذير
والموت حق وقام يلمع حسامه
**
من عقب ابوحسان حتى التعابير
فيها الحزن ماعاد فيها ابتسامه
**
وكل الجموع اللي لفقده طوابير
الحزن فيهم *له وسوم *وعلامه
**
ننعاه لانه بالوفاء كنه النير
ولانه فرض بالطيب كل احترامه
**
ندعي له الرحمان وال التدابير
سبحانه *اللي *عفنا عن *حرامه
**
انا اشهد انه من رجالاً مناعير
وهو مقدم الهيه *بيامه *وشامه
**
نذكر معاريفه ونذكره بالخير
عز الله انه *خامة ٍ وأي *خامه
**
يالله عسى روحه ترفرف كما الطير
وفي جنة الفردوس تبرد عظامه


بواسطة : الشاعر سعيد بن عبدالله الاسمري
 0  0  10.6K
التعليقات ( 0 )

صحيفة سدوان الإلكترونية | الأخبار
sadawan.com
***