• ×

07:44 صباحًا , السبت 18 نوفمبر 2017

دموع اليتيمة

زيادة حجم الخط مسح إنقاص حجم الخط
.
.

ياليل تكفى فارق وروح ياليل
خطاك جدد بي جروحاً قديمه
**
ذكرتني ياليل ماضيك والجيل
وعرفت من ذاق الغبن والظليمه
**
ومما يلوف القلب ويزود الميل
أيقنت بان الظلم سيفه وسيمه
**
عجزت الاقي في الزمن وافي الكيل
وبالكاد اعيش اخاف وقع الهزيمه
**
حِزنا من الدنيا علوم ومحاصيل
لكن دورات الليالي وخيمه
**
احيان افيق من الحزن وارجع اعيل
واحيان اخيل الغيم وارقب لديمه
**
ماعاد شفي دلة البن والهيل
والنفس ياهي من عناها سقيمه
**
شفي قراح الماء ورشفه من النيل
شف النديم اللي يناجي نديمه
**
ويالله عفوك بالليال المقابيل
وبرحمتك تقوئ النفوس العظيمه
**
يجتاحني فكراً هجوسه مداهيل
ويلعب طرب بالقلب واعيا خصيمه
**
يجزع من الايام والقال والقيل
بضاعةٍ من دون سعراً وقيمه
**
واليا نشدت وشفت رد المراسيل
عرفت وش معنى دموع اليتيمه



بواسطة : الشاعر سعيد بن عبدالله الاسمري
 0  0  10.5K

إشترك بنشرة صحيفة سدوان اﻻلكترونيه ليصلك جديد اخبارنا

التعليقات ( 0 )

صحيفة سدوان الإلكترونية | الأخبار
sadawan.com
***