• ×

03:02 مساءً , الإثنين 20 نوفمبر 2017

أغبي عليكم يا هل البيت لا تدرون

زيادة حجم الخط مسح إنقاص حجم الخط
.
.

أغبي عليكم يا هل البيت لا تدرون
وأسولف لكم والنفس بالحيل تعبانه
**
ليا ما طلعت أحس بين الضلوع طعون
تزايد على جرح له أسنين وأحزانه
**
تخالج دموعي وأتصبر وأجر لحون
وأكابر على دمع التوجاد وأشجانه
**
لو أن القصايد تنفع الصابر المشحون
كتبت البيوت اللي من الوجد مليانه
**
وجود وجود اللي يغني وهو مسجون
يجر اللحون اللي لها تذرف أعيانه
**
تباطا بني عمه وهو ينتخي تكفون
له سنين ما يدري وش اخبار بزرانه
**
وجودي وجوداللي يبي ينتصر مغبون
من الخصم لكن حال من دونه أخوانه
**
وجودي وجود اللي تضيق عليه الكون
غريب وتمنى جلسة عند شيبانه
**
وجودي وجودا لطيب اللي عليه ديون
يعشق الجمايل وأوجعه حكي ديانه
**
ترا طيبة الرجال هو كنزه المكنون
لو يموت ما مات الدعاء له ولا شانه
**
توجدت من حرقة تبعها سهر وشجون
على شفي اللي ما لقى فيه عوانه
**
شفوفي يكفيها معي زادها المضمون
أسوي لها كم بيت لا جات عطشانه


بواسطة : الشاعر عبدالله بن دغمي الاسمري
 0  0  7.0K

إشترك بنشرة صحيفة سدوان اﻻلكترونيه ليصلك جديد اخبارنا

التعليقات ( 0 )

صحيفة سدوان الإلكترونية | الأخبار
sadawan.com
***