.
قال المعنئ من جنون الهوى به
وا عيني اللي عافها حالي النوم
**
اطوي عتام الليل من مُر مابه
وارقب مع القمرا مجرات ونجوم
**
اسرفت في نظم الشعر والكتابه
والعمر قفا وأمر الأجال محتوم
**
دنيا بلاويها علينا اتشابه
والرزق بيدالله وهو شي مقسوم
**
يااهل الحكم والشور واهل الخطابه
انتم هل الوقفات لاشك وقروم
**
نعتب ولو ان الزمن صك بابه
وجل الامور تهون باصرار وعزوم
**
لي قالةٍ تسمو بعز ومهابه
ومنارةٍ ياحيها فعول وسلوم
**
القئ صداها في ردود الغلابه
وموارياً ماشفتها بلاش ورخوم
**
واللي يقصر جعل بيت العزاء به
ومن الشرف والعز والفخر محروم
**
افعالنا ماهي ذواري*هبابه
وقالاتنا ماتحتمل يابشر سوم
**
اما رقينا الضلع واعلا هضابه
والاحدرنا حدرةٍ كلها لوم
صح لسانك مليون ولايسدون *.. لاهنت